Akademieblad - Hoërskool Bastion

Implementering van VOO (Verdere onderwys en opleiding) vanaf 2006.

Vanaf graad 10 word die volgende vakke gekies:

Verpligte vakke:

Afrikaans Huistaal
Engels - eerste addisionele taal
Lewensoriëntering
Wiskunde of Wiskunde Geletterdheid

Ander keusevakke:

Kuns en Kultuur:
• Dansstudie
• Ontwerp
• Dramakunste
• Musiek
• Visuele kunste

Besigheids, ekonomiese en bestuurswetenskappe:
• Rekeningkunde
• Besigheidstudies
• Ekonomie
• Gasvryheidstudies
• Toerisme

Tegnologie en ingenieurs:
• Elektriese Tegnologie
• Siviele Tegnologie
• Meganiese Tegnologie
• Ingenieursgrafika en ontwerp

Mens en sosiale wetenskappe:
• Geografie

Fisiese-, lewens- en rekenaarwetenskappe:
• Rekenaartoepassingstegnologie
• Inligtingstegnologie
• Lewenswetenskappe
• Fisiese wetenskappe

Benewens die vier verpligte vakke, moet nog drie vakke gekies word. Leerders neem dus sewe vakke vanaf graad 10 - 12.

GRAAD 8 EN 9

In graad 8 neem leerders die verpligte leerareas en EEN van die volgende verrykingsvakke:

Spraak en Drama
Elektronika
Ingenieursgrafika en ontwerp
Gasvryheidstudies
Rekenaartoepassingstegnologie

Iets meer oor Gasvryheidstudies:
Dit is 'n beroepsgerigte vak wat die hele spektrum van hotelhouding en spyseniering dek. 'n Leerder kry die geleentheid om sy/haar kreatiwiteit tot sy reg te laat kom.

Hotelhouding behels hotelorganisasie en sluit die ontvangs van gaste, huishouding, kombuis, restaurant en kroeg in. Die leerders ontvang praktiese opleiding om hul bestuursvermoë te ontwikkel.

Spyseniering sluit spyskaart- en maaltydbeplanning, voedingswaarde van voedselsoorte en alles rondom die voorbereiding van kos in. Die leerders word opgelei om soos professionele sjefs te kook.

Dit berei jou dus vir die gasvryheidsbedryf voor. Jy kan in hotelle werk, as toergids optree, gastehuise bestuur en op skepe werk in Suid-Afrika en die buiteland!

Kom eet in ons restaurant - proe is glo!

PASTEL REKENINGKUNDE PAKKET

Pastel sagteware verskaf gerekenariseerde rekeningkundige programme aan besighede vir die afgelope veertien jaar en word beskou as een van die markleiers in Suid-Afrika. Dit word aanbeveel deur 9 uit elke 10 besighede.

Hoërskool Bastion is 'n "Pastel Certified School" en bied aan leerders die geleentheid om die kursus te neem en 'n sertifikaat te verdien - gerugsteun deur Pastel. So 'n sertifikaat kan by 'n leerder se CV gevoeg word indien hy aansoek doen vir werk.