Finansies - Hoërskool Bastion

INLEIDEND

Hoërskool Bastion glo in die menswaardige hantering van sy leerders. Om leerders te “koop” is vir ons ‘n miskenning van ‘n leerder se uniekheid en integriteit. Ons wil egter ons leerders beloon vir die talente waaroor hulle beskik en waarmee hulle ons skool verryk.

Ons ken aan graad 8-leerders wat by ons inskryf beurse toe op grond van prestasies wat hul in graad 7 behaal het. Hierdie beursstelsel geld vanaf graad 8 tot 12. Aan die einde van graad 12 word leerders se prestasies in die eindeksamen ook erken.

Beurse word op grond van die volgende prestasies toegeken :
- Akademie
- Sport
- Leierskap
- Kultuur
Alles word op skrif gestel en deur ‘n beurskomitee hanteer. U is welkom om ons vir verdere inligting te kontak. Aansoekvorms word by die skool voltooi.

FINANSIES – SKOOLGELD 2012: GRAAD 8-12

Om die skool te bestuur om sodoende die beste onderrig aan u kind te kan lewer, het ons die samewerking van alle partye nodig.  Om onderrig van hoogstaande gehalte te kan lewer, het ons egter fondse nodig.  Hierdie skrywe  dien as belangrike inligtingsbron rakende skoolfonds betaalbaar vir 2012, asook die kwytskelding en gedeeltelike kwytskelding daarvan.

U is volgens Suid Afrikaanse Skole Wet, no 84 van 1996, verplig om die gelde te betaal tensy u kwalifiseer vir kwytskelding of vir gedeeltelike kwytskelding.

Skoolgeld kan as ‘n eenmalige bedrag of in 11 paaiemente maandeliks betaal word finale paaiement op 1 Desember 2012.  U is verantwoordelik om u rekeninge asseblief maandeliks te betaal en op datum te hou.  

Die voorgestelde begroting vir 2012 is tydens ‘n ouervergadering op 22 Augustus 2011 goedgekeur en ons kan as volg berig:

Skoolgeld beloop soos volg:
Gr 8 – 12  R9 970-00 ingesluit R1 500-00 eerste paaiement

BETALING VAN SKOOLFOOIE

Alhoewel skoolfooie jaarliks vooruitbetaalbaar is, is daar wel ‘n toegewing dat die skoolfooie maandeliks betaal mag word. Betalings kan soos volg gedoen word:

• R1500-00 voor of op 30 November 2011 vir die eerste paaiement.

Omdat ons graag wil hê dat ons ouers van die debietorderstelsel gebruik moet maak is die volgende betalingstelsel in plek :

• Debietorders- Om sekuriteitsredes versoek ons, ons ouers om van hierdie betaalmetode gebruik te maak. Indien u per debietorder betaal, betaal u elf gelyke paaiemente van R760.00 maandeliks vanaf 1 Februarie 2012 laaste betaling 1 Desember 2012. ’n Reëling moet voor 31 Desember 2011 getref word dat die betalings per debietorder sal geskied. Debietordervorms is beskikbaar by die kantoor en kan ook verkry word met die registrasie van leerders. Handig die voltooide vorm by die kantoor in. Neem asseblief kennis dat indien die debietorder onbetaald is u rekening gehef sal word met ‘n addissionele fooi van R80-00 per onbetaalde item.
• Tjekbetalings – Indien u per tjek betaal, betaal u elf gelyke paaiemente van  R770-00 maandelliks vanaf 1 Februarie 2012 laaste betaling 1 Desember 2012. Alle tjeks moet uitgemaak word aan Hoërskool Bastion. Indien tjeks onbetaald deur u bank teruggestuur word, word u rekening gehef met ‘n bedrag van R80-00.
• Kontantbetalings – Indien u kontant betaal, betaal u elf gelyke paaiemente van R770-00 maandeliks vanaf 1 Februarie 2012 tot 1 Desember 2012. Kontantbetalings moet direk by die kassiere in die kantoor gedoen word. Die skool kan nie verantwoordelik gehou word vir enige kontant wat verlore raak wat nie by die kassiere inbetaal is nie. Kantoorure vir die ontvang van kontant is vanaf 7:00 tot 14:15.
• Internet/Elektroniese oorbetalings en bankinbetalings –  Indien u van hierdie betalingsmetode gebruik maak, betaal u elf gelyke paaiemente van R770-00 maandeliks vanaf 1 Februarie 2012 tot 1 Desember 2012. Hierdie betalings kan na die volgende bankbesonderhede oorbetaal word:  ABSA BANK, Horison, Takkode 630841, rekeningnommer 330153156. Meld u rekeningnommer wat op u skoolgeldstaat verskyn as verwysing en daar word van u verwag om die bewys na die skool te faks of te e-pos vir kontrole.  Die faksnommer is (011)762-1402 tussen 7:00 en 14:00, die e-pos adres is bastionacc@africa.com
• NuPay Debiet en Krediet kaarte kan ook nou by ons skool gebruik word om skoolfonds te betaal.

Skoolgeld 2012:

2012 Finansiesbrief Graad 8

2012 Finansiesbrief Graad 9

2012 Finansiesbrief Graad 10

2012 Finansiesbrief Graad 11

2012 Finansiesbrief Graad 12