Gasvryheidstudies - Hoërskool Bastion

Main menu

Tuisblad
Ons Skool
Bastionners
Akademie
- Top Presteerders
- Akademieblad
- Matriekuitslae
- Hotelskool
- Toets/ Eksamenroosters
- Lewenswetenskap
  - Disseksie
  - Riviergesondheid
- Verpligte Vakke
- Keuse Vakke
- Bastion Temas
- Rocking Future Roadshow
Sport
- Sportblad
- Interklassport
- Atletiek
- Netbal
  - Netbal algemeen
  - Bastion Karwas
- Hokkie
- Rugby
- Judoster
- Bastion Stoeier
- Bastion Comradeskoning
- Bastion Ringbalsterre
- Rotsklim
- Stoei
Kultuur
Nuus
Sosiaal

Gasvryheidstudies

Akademie > Keuse Vakke

Die Gasvryheidstudies Departement van die Hoërskool Bastion het aan die personeel van koffiewinkels en pizzaplekke die geleentheid gebied om hulle bakvernuf te verfyn. Basiese en gevorderde broodbakkursusse is deur "Anchor Yeast" aangebied. Hier is vier personeellede van die "Cherry on Top" teetuin wat die kursus met welslae voltooi het. By hulle is Me Marietjie Smit, vakhoof, wat die geleentheid gereël het.

Die leerders van die Hoërskool Bastion wat Gasvryheidstudies as vak neem, het ook meegedoen aan die 67 minute gemeenskapsdiens vir Mandeladag.GEMBOU is besoek en beertjies, boontjiesakke en lekkergoedpakkies is aan die kinders uitgedeel. Die leerders het die kleingoed vermaak en hulle bederf. Hier is Me Marietjie Smit, vakhoof, saam met Vanessa Barkley, Sherice Maartens en Larachelle Roets. Dit was 'n uiters geslaagde middag en beide leerders en die kleintjies het hulle gate-uit geniet.

Leerders van die Hotelskool saam met die kleintjies.

Ons het die kleingoed lekker bederf!

Bestaan uit 2 hoofkomponente, nl. Teorie en Prakties.
Vier modules kan onderskei word:
1.   Gasvryheidsbedryf
2.   Higiëne en veiligheid
3.    Voedselproduksie
4.   Voedsel- en drankdiens

    Teoriegedeelte:
-   Teorie - navorsing en besoeke aan praktyk
-   Portefeulje-opdragte
-   Take en ander opdragte
-   Assessering

  Praktiese komponent:
-   Praktiese klaswerk
-   Skoolfunksies   / Privaatfunksies   -   Opleiding in spyseniering
-   Restaurantaande         -   Opleiding in spyseniering
-   Praktiese Eksamens
-   Anchor Yeast - Bakkursus 2x (Gr 10 en Gr 11)
-   Cape Wine Academy - Wynkursus (Gr 11)

Die hele idee met bogenoemde is om die leerders handig en vaardig te maak vir hul praktiese eksamen aan die einde van graad 12 en natuurlik vir hul toekoms in die gasvryheidsbedryf.

Die leerders hou van die praktiese gedeelte.
Hier probeer ons vir hulle meer as net die sillabus aanbied, bv. blommeklasse, kursus in garnering, ens.
Ons probeer ook om deur middel van reëls vir hulle iets te leer van wat om te verwag in die volwasse lewe.

Soos verwag kan word, sal daar 'n finansiële uitgawe aan hierdie vak verbonde wees:

-   'n Stel chefsklere
-   Geskikte klere wat vir restaurantwerk gebruik word. (Swart langbroek of swart romp, wit langmouhemp en strikdas)
-   'n Fooi per jaar wat gebruik word vir die bestanddele, skoonmaakmiddels, verpakking, kursusse, ens. is betaalbaar.

Om die nodige vaardighede aan te leer, word daar van elke leerder verwag om gedurende die jaar 35 ure (ná skool) by funksies diens te doen. Daar sal dus middae en aande gewerk moet word. Daar word aan die einde van graad 12 erkenning gegee indien hulle ure volledig gewerk is.