Lewenswetenskappe - Hoërskool Bastion

Twee verse kan uit die Woord van God aangehaal word, wat verwys na al die aspekte van BIOLOGIE.

Ps 104 vers 34: U het baie dinge geskep, Here, die aarde is vol van wat U gemaak het.
U het alles in wysheid geskep.

Gen 1 vers 28:   God het aan die mens gesê: Wees vrugbaar, vermeerder, bewoon die aarde en bewerk dit.  Heers oor die visse en voëls, oor al die diere van die                aarde.

Ons groot doelstelling by hierdie skool met Lewenswetenskappe (Biologie) is om die leerders bewus te maak van alles wat ons Skepper daargestel het, asook om die nodige respek en eerbied te toon vir die Skeppingswerk.

Die leerders word bewus gemaak van die mens se verantwoordelikheid om lewe te bewaar.  Hulle besef die noodsaaklikheid van Natuurbewaring en hul kweek 'n liefde vir die SA Fauna en Flora.  Die leerders toon 'n begeerte om meer te wete te kom van natuurverskynsels.

Lewenswetenskappe is dus die STUDIE VAN LEWENDE ORGANISMES.  
Eienskappe wat 'n voornemende Bioloog moet toon:
- Die leerders moet 'n groot liefde vir die natuur (plante en diere) koester.
- Die Bioloog moet 'n harde werker wees met 'n verantwoordelikheidsbesef, pligsgetrou wees, asook oor selfdissipline beskik.
- Die leerder moet 'n fyn waarnemingsvermoë hê, geduld beoefen en oor deursettingsvermoë beskik.
- Die Bioloog moet kan kommunikeer asook oor goeie menseverhoudings beskik, veral wanneer groepwerk gedoen word.

Beroepe:
Bioloë het die geleentheid om uit 'n verskeidenheid beroepe te kies.  Die meerderheid Bioloë werk in 'n laboratorium, ander verkies om buitenshuis te werk.

Moontlike werkgewers vir Bioloë:
- SA Buro vir Standaarde
- Nasionale Parkeraad
- Natuurbewaring
- Nasionale museums
- Wildtuine
- Dieretuine
- Visserye
- Alle mediese instansies
- Bosbou
- SAPPI
- SA Waterwese
- Skoonheidskunde
- Onderwys

Die onderwerpe wat in dié leerarea in graad 10 behandel gaan word, word hieronder aangetoon.

-   Geskiedenis van Lewe op Aarde (fossiele)
-   Biosfeer
-   Ekosisteme
-   Voedselkettings
-   Biodiversiteit
-   Selle
-   Seldeling
-   Plant en Dierweefsel
-   Energieproduksie en Fotosintese
-   Voeding
-   Respirasie
-   Gaswisseling
-   Evolusie
Bogenoemde temas wat in die Kurrikulum voorkom, vorm 'n noue skakeling met die res van die grade se Kurrikulum.