Oopdag - Hoërskool Bastion

Bastion het op 25 Mei sy oopdag gehou om graad 7-leerders nader met die skool en sy aktiwiteite te laat kennis maak.Daar is veral op die onderskeie studierigtings, wat die skool aanbied, gefokus. Hier is laerskoolleerders in die Elektriese Tegnologie sentrum besig om met elektrisiteit te eksperimenteer. Selfs die dogters het dit vreeslik geniet.

Hier maak Donovan Kriel die graad sewes touwys in die sentrum vir Fisiese Wetenskap. Hier het die besoekers allerlei interessante eksperimente gedoen.

Die besoek aan die rekenaarsentrums was ook 'n hoogtepunt. Hier het die leerders heerlik speletjies op die rekenaars gespeel.

Dennis die nar het ook gehelp om die graad sewes te laat tuis voel en het die lagspiere geprikkel, sodat 'n heerlike ontspanne gees geheers het.